حصہ ہفتم

حضرات علماء کرام! درج ذیل مسائل اگر صحیح ہیں تو براہ نوازش ایک ایک صحیح صریح غیر معارض حدیث پیش فرمائیں جس سے ان مسائل کا صحیح ہونا ثابت ہو اگر غلط ہیں تو پھر ایک ایک حدیث صحیح صریح غیر معارض سے ان کا غلط ہونا ثابت کریں، نیز ان مسائل کے صحیح احکام فرقہ جماعت اہل حدیث کی کسی معتبر کتاب سے باحوالہ نقل فرمائیں ورنہ اگر حدیث پیش نہ کرسکے تو سب لوگ یقین کرلیں گے کہ آپ کا دعوٰی عمل بالحدیث ایسا ہی غلط ہے جیسے منکرین حدیث کا دعوٰی عمل بالقرآن غلط ہے اور اگر آپ ان مسائل کے صحیح احکام اپنی جماعت کی معتبر اور مستند کتاب سے نہ دکھا سکے تو سب لوگ یقین کرلیں گے کہ آپ کی جماعت واقعی علمی طور پر قلاش اور یتیم ہے کہ ان کی اپنی کوئی جامع کتاب نہیں ہے۔

 

سوال نمبر245

شراب جسے عربی میں خمر کہتے ہیں اس خمر حقیقی کی جامع مانع تعریف کسی آیت یا حدیث سے بیان فرمائیں؟

سوال نمبر246

خمر کا لفظ مجازی معنی میں بھی استعمال ہوتا ہے یا نہیں؟اگر ہوتا ہے تو کن معنوں میں؟

سوال نمبر247

کیا احادیث میں غیر کو شہوت سے دیکھنے،بات کرنے،ہاتھ لگانے وغیرہ کو زنا کہا گیا ہے؟ان احادیث میں زنا حقیقی معنوں میں ہے یا مجازی معنوں میں؟اسی طرح کیا خمر بھی مجازی معنوں میں آیا ہے یا نہیں؟

سوال نمبر248

ہدایہ فقہ حنفی میں ہے کہ خمر کے ایک قطرہ پینے پر حد ہے لیکن بخاری ج دوم پر حضرت سائب بن یزید اور حضرت علی رضی اللہ عنہما سے روایت ہے کہ آنحضرت صلی اللہ علیہ وسلم کے زمانہ میں خمر پر کوئی حد مقرر نہ تھی؟

سوال نمبر249

تمام اہل سنت والجماعت کا اجماع ہے کہ خمر پینے کی حد اسی(80) کوڑے ہے، اس حد کی بنیاد کوئی آیت قرآنی ہے یا حدیث مرفوع یا رائے اور قیاس؟ جواب کسی صحیح صریح غیر معارض حدیث سے پیش کریں۔

سوال نمبر250

فقہ حنفی:عالمگیری ، ہدایہ وغیرہ میں ہے کہ الخمر کے ایک قطرہ کو حلال سمجھنے والا کافر ہے۔ آپ کے نزدیک بھی کافر ہے یا نہیں؟ کسی معتبر کتاب کا حوالہ دیں۔ نیز حنفی مسئلہ کا صحیح یا غلط ہونا حدیث صحیح صریح غیر معارض سے ثابت کریں۔

سوال نمبر251

کیا بخاری میں ہے کہ شراب پینے والے پر لعن طعن کرنا بھی مکروہ ہے؟

سوال نمبر252

ہدایہ و عالمگیری وغیرہ میں ہے کہ عین خمر حرام ہے یعنی خواہ ایک قطرہ پئے خواہ نشہ آئے یا نہ آئے، اس کا صحیح یا غلط ہونا حدیث سے دکھائیں، نیز اپنی کتاب کے حوالہ سے صحیح حکم لکھیں۔

سوال نمبر253

کیا قرآن پاک سے یہ معلوم ہوتا ہے کہ شراب کے حرام ہونے کی وجہ یہ ہے کہ وہ اللہ کے زکر سے روکتی ہے اور آپس میں دشمنی ڈالتی ہے اور یہ آثار نشہ کے ہیں۔ تو کیا اس آیت سے یہ سمجھنا کہ جب تک نشہ نہ آئے شراب حرام نہیں غلط یا صحیح، اس کی تفسیر حدیث مرفوع سے بتائیں؟

سوال نمبر254

ہدایہ و عالمگیری میں لکھا ھے کہ الخمر ایسی ہی نجاست غلیظہ ہے جیسے پیشاب ،لیکن آپ کی کتابوں بدور اہلہ،عرف الجادی،کنز الحقائق،نزل الابرار میں لکھا ہے "الخمر طاھر" یعنی خمر پاک ہے، حنفی فقہ کا مسئلہ کس حدیث صحیح صریح غیر معارض کے خلاف ہے؟اور آپ کی کتابوں کا مسئلہ کس حدیث صحیح صریح غیر معارض سے ثابت ہے؟

سوال نمبر255

فقہ حنفی کی کتابوں میں ہدایہ ،عالمگیری وغیرہ میں لکھا ہے کہ الخمر کی کوئی قیمت نہیں، اگر کوئی شخص کسی کی خمر انڈیل دے تو اس پر کوئی ضمان نہیں آئے گا، اس مسئلہ کا غلط ہونا یا صحیح ہونا کسی حدیث صحیح صریح غیر معارض سے ثابت فرمائیں اور فرقہ جماعت اہل حدیث کا مسلک اپنی مستند و معتبر کتاب کے حوالے سے تحریر کیجئے۔

 

سوال نمبر256

فقہ حنفی کی کتابوں میں لکھا ہے کہ خمر سے کسی طرح کا فائدہ حاصل کرنا حرام ہے، آپ اپنے فرقہ جماعت اہل حدیث کا مزھب اس بارے میں کسی معتبر کتاب سے لکھیں؟

سوال نمبر257

ہدایہ میں لکھا ہے کہ اگر کنگھی میں خمر کی تلچھٹ لگ جائے تو اس سے بالوں کو کنگھی کرنا حرام ہے، اس بارہ میں آپ اپنا صحیح مسئلہ اپنی مستند کتاب کے حوالہ سے لکھیں اور فقہ کے اس مسئلہ کا صحیح یا غلط ہونا کسی صحیح صریح حدیث سے ثابت فرمائیں۔

سوال نمبر258

ہدایہ میں لکھا ہے کہ شراب پینا تو کجا کسی زخم بیرونی پر بھی خمر لگانا حرام ہے، آپ کا فتوٰی اس بارہ میں کیا ہے؟ کسی مستند کتاب کے حوالہ سے لکھیں اور فقہ حنفی کے اس مسئلہ کا غلط ہونا کسی صحیح صریح حدیث غیر معارضہ سے ثابت کریں۔

سوال نمبر259

حنفی مزھب کو خمر سے اتنا بیر (نفرت) ہے کہ خمر کے ساتھ انیمہ کرنا بھی جائز نہیں (ہدایہ) آپ اس مسئلہ کا حکم اپنی جماعت کی مستند اور معتبر کتاب کے حوالہ سے لکھیں اور فقہ حنفی کے اس مسئلہ کا غلط یا صحیح ہونا صحیح صریح غیر معارض حدیث سے ثابت کریں؟

سوال نمبر260

حنفی فقہ کے مطابق مسلمان کو تو دوا کے طور پر خمر پینا خرام ہی ہے، مسلمانوں کو تو اتنی بھی اجازت نہیں کہ کسی ذمی کاگٓفر یا کسی جانور (گائے بھینس،بیل بکری) کو ہی دوا کے طور پر خمر پلادے، یہ حرام ہے، آپ اپنے فرقہ جماعت اہل حدیث کا مسئلہ اس بارے میں تحریر کیجئے کسی مستند کتاب سے۔

سوال نمبر261

حنفی مزھب کے موافق شراب ککی نیت سے انگور کاشت کرنا بھی مکروہ ہے(قاضی خاں) آپ اپنا مسئلہ اس بارہ میں کسی مستند کتاب کے حوالے سے لکھیں؟

سوال نمبر262

اگر شراب میں آٹا گوندھ کر روٹی پکائی جائے تو حنفی مزھب کے موافق اس کا کھانا ناجائز ہے(ہدایہ) لیکن آپ کی کتاب نزل الابرار میں لکھا ہے کہ وہ روٹی کھانا حلال ہے۔ آپ حنفی مسئلہ کا غلط ہونا اور اپنے مسئلہ کا صحیح ہونا حدیث سے پیش کیجئے؟

سوال نمبر263

فقہ حنفی کے موافق لہو و لعب کی نیت سے صرف خمر کو دیکھتے رہنا بھی حلال نہیں (الوجیز) آپ اپنا مسئلہ کسی مستند کتاب کے حوالہ سے لکھیں اور فقہ حنفی کے اس مسئلہ کا صحیح یا غلط ہونا کسی صحیح حدیث سے ثابت کریں۔

سوال نمبر264

فرقہ جماعت اہل حدیث کے تمام علماء جو اپنی تقریروں میں یہ جھوٹ بولتے ہیں کہ ہدایہ میں چارقسم کی شرابوں کا پینا حلال لکھا ہے، یہ کہاں ہے؟ جو عبارت پیش کرتے ہیں اس میں سرے سے خمر کا لفظ ہی نہیں تو شراب کس لفظ کا ترجمہ کرتے ہیں؟؟ اس عبارت سے ایک سطر پہلے یہ ذکر ہے کہ الخمر کے احکام ختم ہوچکے اب ماسوٰی ذلک من الاشربۃ خمر کے سوا باقی تمام مشروبات کے احکام شروع ہوتے ہیں، اب ماسوٰی الخمر کا ترجمہ شراب کرنا کیا دجل و فریب نہیں؟؟؟ پھر اگلے صفحہ پر نبیز کا لفظ موجود ہے، خود غیر مقلدین کے مولوی وحید الزمان خان نے بھی ہدیۃ المھدی میں اس کو نبیز کا ہی مسئلہ بتایا ہے اور حجرت پیران پیر رحمہ اللہ نے بھی غنیۃ الطالبین باب التبلیغ میں اس کو نبیز کا ہی مسئلہ قرار دیا ہے، فقہ کی کتاب میں اگر نبیز کا ترجمہ شراب آپ لوگ کرتے ہیں تو کیا حدیث کی کتابوں میں بھی نبیز کا ترجمہ شراب کریں گے؟؟؟ اور جن احادیث میں آنحضرت صلی اللہ علیہ وسلم اور صحابہ کرام رضوان اللہ علیہم اجمعین کا نبیز پینا ثابت ہے تو کیا معاذ اللہ ان احادیث کی بناء پر آنحضرت صلی اللہ علیہ وسلم اور صحابہ رضوان اللہ علیہم اجمعین کو شراب خور کہنا جائز ہوگا؟؟؟؟؟

پھر صاحب ہدایہ نے جو روایت دلیل میں بیان فرمائی ہے "حرمت الخمر العینھا والسکر من کل شراب" اس سے بھی ماسوٰی الخمر کا حکم ثابت فرمارہے ہیں، اب بھی مرزا قادیانی کی طرح گڑ کا معنی گندم کرنا اور فقہ حنفی پر شراب نوشی کی اجازت کا بہتان باندھنا ایسا جھوٹ ہے جس کی مثال سوامی دیانند کی کتاب میں بھی نہیں ملتی۔

سوال نمبر265

اکثر غیر مقلدین رات دن یہ جھوٹ بولتے ہیں کہ فقہ حنفی میں لکھا ہے کہ اگر نو(9) پیالے شراب پی لی جائے اور نشہ نہ آئے تو حد نہیں، وہ شراب کس لفظ کا ترجمہ کرتے ہیں؟؟؟ کیا فقہ حنفی کی کسی عبارت میں لفظ "خمر" ہے؟؟

سوال نمبر266

صحیح بخاری جلد دوم میں لفظ "خمر" ہے اور اس بارے میں لکھا ہے کہ ‏" وقال أبو الدرداء في المري ذبح الخمر النينان والشمس‏.‏" یعنی(شراب) خمر میں مچھلی ڈال کر دھوپ میں رکھ دو پھر اس کا استعمال جائز ہے، اس کا کیا حکم ہے ؟

سوال نمبر 267

صحیح بخاری کا باب ھے خمر سے متعلق

الأشربة ؛: باب الْخَمْرُ مِنَ الْعَسَلِ وَهْوَ الْبِتْعُ . 

اس کے تحت حدیث لائے ہیں امام بخاری وَقَالَ مَعْنٌ سَأَلْتُ مَالِكَ بْنَ أَنَسٍ عَنِ الْفُقَّاعِ فَقَالَ إِذَا لَمْ يُسْكِرْ فَلاَ بَأْسَ . وَقَالَ ابْنُ الدَّرَاوَرْدِىِّ سَأَلْنَا عَنْهُ فَقَالُوا لاَ يُسْكِرُ ، لاَ بَأْسَ بِهِ 

یعنی اگر کشمش کی خمر نشہ نہ دے تو کوئی حرج نہیں،فرمائیے علماء اہل حدیث کہ امام بخاری رحمہ اللہ و امام مالک رحمہ اللہ و دراوردی رحمہ اللہ پر کیا فتوٰی ہے؟

سوال نمبر268

حضرت عمر ،حجرت ابوعبیدہ،حجرت معاذ رضوان اللہ علیہم اجمعین طلاء مثلث اور حضرت براء بن عازب و ابو جحیفۃ رضی اللہ عنہ طلاء نصف پینا جائز قرار دیتے ہیں،(صحیح بخاری جلد 2 - باب الْبَاذَقِ ، وَمَنْ نَهَى عَنْ كُلِّ مُسْكِرٍ مِنَ الأَشْرِبَةِ . وَرَأَى عُمَرُ وَأَبُو عُبَيْدَةَ وَمُعَاذٌ شُرْبَ الطِّلاَءِ عَلَى الثُّلُثِ . وَشَرِبَ الْبَرَاءُ وَأَبُو جُحَيْفَةَ عَلَى النِّصْفِ ) بتائیے امام بخاری رحمہ اللہ اور چاروں اولین صحابہ کرام رضوان اللہ علیہم اجمعین اور دونوں آخرین صحابہ کرام رضوان اللہ علیہم اجمعین کا شرعی حکم کیا ہے؟