حکایات

دو سبق آموز حكایات ـــــــــــــــ پہلی حکایت "ایک درویش کو ایک کُتے نے کاٹ لیا ۔ درد کے مارے درویش کے آنسو نکل آئے ۔" اس کی ننھی بیٹی پوچھنے لگی “بابا ۔ روتا کیوں ہے ؟” وہ بولا “کُتے نے کاٹا ہے”۔ بیٹی بولی “کُتا آپ سے بڑا تھا؟ درویش بولا "نہیں " پھر بیٹی بولی” تو آپ بھی اُس کو کاٹ لیتے”۔ درویش بولا! ”بیٹی ، میں انسان ہوں اسلئے کُتے کو نہیں کاٹ سکتا" آج کتنے انسان ہیں جو اپنے ہر عمل سے پہلے اُسے انسانیت کی کَسوَٹی پر پرکھتے ہیں ؟ ـــــــــــــــ دوسری حكايت _!! ایک درویش نے ایک کُتا پال رکھا تھا ۔ بادشاہ کا وہاں سے گذر ہوا تو از راہِ مذاق درویش سے پوچھا تم اچھے ہو یا تمہارا کُتا ؟ درویش نے کہا :"یہ کُتا میرا بڑا وفادار ہے ۔ اگر میں بھی اپنے مالک کا وفادار رہوں تو میں اس کُتے سے بہتر ہوں کہ میں انسان ہوں ورنہ یہ کُتا مجھ سے بہتر ہے-" آج کتنے لوگ ہیں جو اپنے خالق و مالک کے وفادار ہیں ؟ ـــــــــــــــ کونسی حکایت زیادہ پسند آئی ضرور بتائیے گا!